Шимбә, 18 апрель көнне, Яр Чаллы дәүләт педагогика университеты РФ Мәгариф министрлыгы карамагындагы педагогика югары уку йортларының Бөтенроссия Ачык ишекләр көненә кушыла һәм булачак абитуриентларны һәм аларның әти-әниләрен университет белән якыннанрак танышырга чакыра.
10–11 сыйныф укучыларын 8:30 да көтәләр, 9 сыйныфны тәмамлаучылар 11:30га чакырыла.
Яр Чаллы дәүләт педагогика университеты югары профессиональ белем бирү программаларын 4 факультет базасында гамәлгә ашыра: педагогика һәм психология факультеты, табигать белеме, физик тәрбия һәм спорт факультеты, тарих-филология факультеты, математика, информатика һәм сәнгать факультеты.
Урта профессиональ белем алуны караучылар өчен Яр Чаллы дәүләт педагогика университетының Индустриаль-педагогика көллияте үзенең әзерлек юнәлешләрен һәм алга таба уку перспективаларын тәкъдим итәчәк: Туризм һәм кунакчыллык; Мәктәпкәчә белем бирү; Мәгълүмат системалары һәм программалаштыру; Башлангыч сыйныфларда укыту; Башлангыч белем бирүдә коррекцион педагогика; Эш башкаручы; Физик тәрбия; Дизайн (тармаклар буенча); Финанслар.
Килү алдыннан теркәлү үтү мәҗбүри:
10-11 сыйныф укучылары өчен теркәлү. 9 сыйныф укучылары өчен теркәлү монда.
Югары уку йортында кабул итү кампаниясе 20 июньдә башлана.