Яр Чаллының «Ышаныч» халыкка социаль хезмәт күрсәтү комплекслы үзәгендә авыр тормыш хәлендә булган балаларга ярдәм фонды грантына ия булган «Мин әни» социаль проекты кысаларында әниләр өчен адаптив бүлмә ачу тантанасы булып узды. Чакырылган кунаклар арасында – хатын-кызлар консультацияләре психологлары, йөкле хатын-кызлар.
Проект җитәкчесе Альмира Зарипова аның төп максатлары турында сөйләде, инновацион җиһазлар, адаптив бүлмәдәге дәресләр үзенчәлекләре белән таныштырды.
Ачылу тантанасыннан соң кунаклар психолог, социаль эш буенча белгеч җитәкчелегендә мастер-классларда катнаштылар.