24 октябрьдән 27 октябрьгә кадәр 83 нче «Фея» балалар бакчасында хәрбиләргә ярдәм җыю буенча хәйрия акциясе узды.
Балалар бакчасы хезмәткәрләре һәм ата-аналар тарафыннан озак саклана торган продуктлар, шәхси гигиена чаралары, медикаментлар һәм җылы әйберләр тупланган. Өлкән һәм әзерлек төркемнәрендә тәрбияләнүчеләр открыткалар ясадылар һәм тәрбиячеләр белән җылы сүзләр яздылар. Барлык җыелган әйберләр дә "Үзебезнекеләрне ташламыйбыз!" тамгасы белән йөк составында армия ихтыяҗларына җибәреләчәк.