Россия Федерациясе Конституциясе көненә багышланган шәһәр интеллектуаль уены «Нур» яшьләр үзәгендә узды. Уенның темасы - "Безнең тормышның төп законы". Анда 5 кешедән торган командалар – 9-11 сыйныф укучылары һәм 1-2 курс студентлары, барлыгы 23 команда катнашты. Уен нәтиҗәләре буенча 49 нчы кадет мәктәбе командасы җиңүче дип табылды.
Казан федераль университетының Яр Чаллы филиалы командасы көмеш призер булды. 10 нчы мәктәп командасы җиңүчеләр өчлеген йомгаклады. Җиңүчеләргә дипломнар һәм фирма сумкалары тапшырылды.