Яр Чаллы шәһәренең «Миләүшә» балалар бакчасында «Мин татарча сөйлим һәм эшлим — 2025» республика һөнәри осталык конкурсының муниципаль этабы уңышлы узды. Финалга барлыгы 11 укытучы чыкты.
99 нчы балалар бакчасы педагог-психологы Анастасия Сәгъдиева һәм 1 нче балалар бакчасы тәрбиячесе Эльвира Тимашева җиңү яулады. Икенче урында 116 нчы балалар бакчасы тәрбиячесе Ирина Кириллова һәм 52 нче балалар бакчасы тәрбиячесе Екатерина Рахмонова калды. 128 нче балалар бакчасының логопедик төркеме тәрбиячесе Дарья Ольденбург лаеклы өченче урынны яулады.