Бөек Ватан сугышында Җиңүнең 78 еллыгын бәйрәм итү кысаларында 39 комплекста «Җиңү Йолдызы» стеласын ачу тантанасы булды. Чараның мактаулы кунаклары-Бөек Ватан сугышы ветераннары, хәрби хезмәттә катнашучыларның гаиләләре. Чакырылган ветераннарга истәлекле бүләкләр тапшырылды. Ачылу тантанасында стелага чәчәкләрне үзәк район башлыгы Эдуард Фәттахов, ТОС 39 комплексы рәисе Мәдинә Мөхәммәтҗанова, шәһәр Советы депутатлары, идарәче компанияләр вәкилләре салды.
Кадет мәктәбе укучылары якты тамаша әзерләделәр.