Ураза Гаетен бәйрәм итү мәчетләребездә 2 майда 07:00дә бәйрәм вәгазе белән башланачак. Коронавирус инфекциясе таралуны чикләү максатыннан, әлеге чарага шәхси намазлык һәм битлек белән килүегез таләп ителә. Вәгазьдән соң 7:30да Гает намазы укылачак.
Бу вакытка кадәр, мохтаҗ-мескеннәргә фитыр садакаларыбызны тапшырып бетерү безгә фарыз кылынган вазыйфа булып тора. Аның ярдәмендә мохтаҗ-мескеннәр бәйрәм шатлыгы кичерә, бу көннәрне генә булса да мохтаҗлык сизүдән ераклаша. Быел фитыр сәдакасының күләме акчалата 150-800 сум (соңгысы зәкят түләүчеләр өчен). 2022 елның 25 апреленә зәкят нисабы алтын белән исәпләгәндә 390441 сум.